Bass Booster sa Jeepney

Sa ibang lugar ng kamaynilaan, maraming jeep na maganda ang mga dekorasyon para maka-akit ng mga pasahero. Nagmumukhang bago at mabilis ang jeep kapag puno ito ng mga larawan at sound system. Iba't iba ang reaksyon natin kapag nakakasakay tayo sa mga jeep na dumadagundong na sa sobrang lakas ng kanilang stereo. Hindi pa nakokontento at tinataasan pa ang level ng bass booster. Ano ang pakiramdam kapag nakaupo ka na? Minsan kapag naiinis ka na ay gusto mo ng pumara para bumaba. Ang iba naman ay gustong gusto ang may tugtugan sa loob ng jeep. Ang ilang halimbawa sa ibaba ay mga kadalasang kinaiinisan ng mga pasahero kapag nakasakay sa nakabibinging ingay sa loob ng jeep.

December 30, Rizal Day

Ang tao sa ating 1 Piso. Ang ating pambansang bayani, si Dr.Jose  Rizal. Ngayong araw ay ang pag-alala sa kamatayan ng ating bayani.  Disyembre 30, 1896 ang eksaktong araw ng kanyang kamatayan.

Sa  panahon natin ngayon, hindi lang ang mga nakikipaglaban para sa kalayaan  ang itinuturing na bayani. Pati na rin ang mga kababayan nating OFW na  handang iwan ang pamilya dito para lang makapag-hanapbuhay sa ibang  bansa. Mahirap dahil iba ang kultura at lahi ang pakikisamahan nila.  Kasama na rin ang ating mga kapulisan at sundalo. Handa silang  makipagsapalaran para maipagtanggol ang nasasakupan. Sila ay ilan lang  sa mga makabagong bayani.

Tulad ni Dr.Jose Rizal at ng mga  makabagong bayani, gusto rin nilang maging matiwasay ang kanilang lupang  sinilangan. Hindi nila iniisip na kilalanin sila bilang bayani. Pero  ang kanilang mga gawa ay maituturing na kabayanihan para sa bansa.

Si  Jose Rizal, isang marangal na dugong Pilipino. Ang kanyang kamatayan ay  naghahatid sa atin ng magandang simula para makagawa rin tayo ng isang  simpleng kabayanihan.

Jeepney Drivers

Sa Pilipinas, ang kadalasang ginagamit na transportasyon ay ang mga 'Jeepney' o mas kilala sa tawag na 'Jeep'. Dahil ito ay isa sa mga pang-masa na sasakyang pampubliko.

Siguro ay nakailang beses ka nang nakasakay sa isang Jeep. Mapapansin natin na iba't iba ang ugali ng ilang Jeepney drivers. May mga drayber na mabait, matapat, at masunurin sa batas.

Pero sa kabilang banda, napansin ko na medyo dumarami ang mga drayber na barubal. Mga tipong sila na nga ang may kasalanan, sila pa ang ang may tapang na magalit. Halimbawa, ikaw ay nakasakay at magbabayad na. Ang halaga ng pamasahe mo papunta sa lugar na iyon ay pitong piso (P7.00) lamang. Nagbayad ka ng sampu or dalawampung piso (P10.00 or P20.00). Magugulat at magtataka ka dahil malapit ka nang bumaba pero hindi ka pa rin sinusuklian ng drayber, samantalang alam mong dapat may sukli pa ang iyong ibinayad. May kakaiba bang nangyayari sa ganitong sitwasyon?